سَــــیَــــد
******
ادَبی هَکیم
----------------------------------------
مَـنـی روچ سـاهِــگ ءُ شَـپ سـیَـہ تـهاراَت
...
چــــو دزّاں گــــردن ءَ ســــادے مُــــهــــاراَت
 
دل ءَ لــوٹ اِت بـہ جَــنـــت گــپّـے بـلـوچـی
زبـان شـهــدیـں مـاں دَپ هُـشـک ءُ پَلاراَت
 
دپ اوں زور دات بہ جَـنـت شَـیـرے بـلوچی
مَــنـــی شَــیـــر گــوں دَریــں گـــالاں اَواراَت
 
انـــاگـــاه ءَ بَــدَلّ بــــوُت اَنـــت مَـــنـــی روچ
هــمــا روچ آتــک کـہ مَــئـے وَهـــد ءَ وَداراَت
 
چَـہ آزمـان پـــریــشـتَـگے شـون کُـت هُدا ءَ
سَـــیَــد آتــک ءُ نَـــــدے بــــــــورءَ سَـــواراَت
 
بـلـوچـی یے چـت ءُ شُــشـت ءُ سَــپـا کُـت
پَـہ تــچــکــیــں ســیــاهَـــگ ءَ راج ءَ تَـواراَت
 
مـاں شَــهــرءُ مـیـتَـگـاں دوُریـں تَـچـاں بـوُت
گــوں نَـــدکـارءُ ادیـــب گِــــنــــــد ءُ گـــداراَت
 
بَـلـوچـی مَــئـے وَتـی شَـهـدیـں زبـان بـوُت
شَــــــرَپـــــــدارءِ دل ءُ جــــــان ءِ مَــــیــــاراَت
 
رهــادَگ گـــپــت گـُــلــیــں کـاروان بـلـوچـی
یَـــلــیـــں درّا گـــوں آبـــــــد هَـــم کَــتــاراَت
 
هَــمـــا روچــاں اَگــاں روچـگــر مَـہ گـپــتـیـں
تَـــنــے وَهــــد ءَ بَـــــلـــــوچـــی ءِ بُــهــــاراَت
 
چَــگـَــل داتَــــگ هَــکــیــم هــوریــں زبــان ءَ 
زُبــــــانــــے تــــــازی یـــے پــــاد ءِ لَـــپـــاراَت
---------------------------------------------